საფრანგეთის სარაგბო ჩემპიონატის  მე-10 ტურში ლექსო ყაულაშვილის, ბექა გორგაძისა და ლაშა ტაბიძის ბორდომ სტუმრად ითამაშა გურამ გოგიჩაშვილისა და ვასილ კაკოვინის რასინგთან და  34:30 დაამარცხა.

ბორდო მატჩის მსვლელობისას მეტოქეს ანგარიშში ჩამორჩებოდა. ვითარება მას შემდეგ შეიცვალა, რაც 51-ე წუთიდან მოედანზე ლექსო ყაულაშვილი, ხოლო 64-ე წუთიდან ბექა გორგაძე გამოჩნდა. ყაულაშვილმა თამაშში ჩართვიდან ექვს წუთში  ლელო გაიტანა. ეს მისი მეორე ლელოა მიმდინარე სეზონში. ლექსომ პირველი სექტემბრის მიწურულს სტად ფრანსეს გაუტანა.

გოგიჩაშვილი ძირითად შემადგენლობაში იყო და 41-ე წუთზე კაკოვინმა შეცვალა. ტაბიძე განაცხადში არ იყო.

ბორდოს ახლა 34 ქულა აქვს და პირველადგილოსან ლიონს მხოლოდ ერთი ქულით ჩამორჩება.