სისხლის სამართლის სასჯელი დოპინგზე

სენატორთა განცხადებით, კანონი უნდა გავრცელდეს ყველა მნიშვნელოვან საერთაშორისო შეჯიბრებაზე

ამერიკელმა სენატორებმა - შელდონ უაითჰაუსმა და ორინ ჰეჩმა საერთაშორისო შეჯიბრებებზე დოპინგის გამოყენების შესაზღუდავად კანონპროექტი შეიმუშავეს. კანონპროექტის თანახმად, რომელსაც მოსკოვის ანტისადოპინგო ლაბორატორიის ყოფილი ხელმძღვანელის, გრიგორი როდჩენკოვის აქტი ეწოდება, უნდა დაწესდეს სისხლის სამართლის სასჯელი მათთვის, ვინც საერთაშორისო სპორტულ ასპარეზობებზე შედეგების გასაუმჯობესებლად აკრძალულ ნივთიერებებს ან მეთოდებს გამოიყენებს. 

 

სენატორთა განცხადებით, კანონი უნდა გავრცელდეს ყველა მნიშვნელოვან საერთაშორისო შეჯიბრებაზე, რომელშიც მონაწილეობას მიიღებენ ამერიკელი სპორტსმენები, ასევე იმ ღონისძიებებზე, რომელთა ორგანიზატორებსაც სპონსორულ მხარდაჭერას უწევენ აშშ-ს ბიზნეს-კომპანიები. 

 

აშშ-ის სენატში „როდჩენკოვის აქტის“ გატანას მიესალმება სპორტში თაღლითობის წინააღმდეგ მებრძოლი სამართლიანი სპორტის (FairSport) დამოუკიდებელი ფონდი.