ტოჩინოშინი vs მიოგირიუ - დღე მეცხრე

ოსაკაში მიმდინარე ჰარუ ბაშოს მე-9 დღეს, ტოჩინოშინი აღმოსავლეთის მე-6 მაეგაშირა მიოგირიუს შეერკინა. აქამდე ურთიერთშეხვედრებში ორივეს სრული თანაფარდობა ჰქონდა - 12:12 - მიმდინარე ტურნირი კი წარმატებული არც ერთისთვის გამოვიდა, თუ ტოჩინოშინს ამ ორთაბრძოლამდე 3 გამარჯვება და 5 მარცხი ჰქონდა, მიოგირიუმ 8-დან მხოლოდ 1-ხელ იმარჯვა. 

 

წინა ორი შერკინების მსგავსად, ტოჩისთან უპირატესობის მოპოვება დასაწყისში ისევ მოწინააღმდეგემ მოიპოვა, თუმცა აქ ქართველმა გადაწყობა ვეღარ მოახერხა, წონასწორობა დაკარგა და მეტოქემ ოშიდაშის (მძლავრი ზეწოლით) კიმარიტეთი (ილეთით) ლევანი დოჰიოდან გადაიყვანა. 

 

 

ამ შეხვედრის შემდეგ, ტოჩინოშინის ბალანსი ასე გამოიყურება - 3:6 - წინ კი 6 საბრძოლო დღეა დარჩენილი. 

 

ხვალ ქართველის მეტოქე აღმოსავლეთის მე-11 მაეგაშირა შოჰოძანი იქნება, რომელსაც 2 გამარჯვება და 7 მარცხი აქვს, ლევანი კი ურთიერთშეხვედრებში 14:8-ს უგებს...