რეალში პიონტეკი მოინდომეს

სამეფო გუნდის მესვეურებმა სეზონის ერთ-ერთ აღმოჩენას დაადგეს თვალი

მადრიდის რეალში, რომ სერიოზული პრობლემებია არახალია და ყველასთვის კარგადაა ცნობილი. აქედან გამომდინარე ბლანკოსის მესვეურებს შეტევის გაძლიერება სურთ და რამდენიმე ფეხბურთელს უკვე დაადგეს თვალი.

 

AS-ის მიერ გავრცელებული ინფორმაციის თანახმად, ბლანკოსს ჯენოადან კჟიშტოფ პიონტეკის სეზონიის ბოლომდე იჯარით აყვანა სურს. 23 წლის ფეხბურთელი შესანიშნავ სეზონს ატარებს და არაერთი გრანდის ყურადღებას მიიქცია. პიონტეკი ჯენოას გასული წლის აგვისტოში კრაკოვიადან შეუერთდა. ამ სეზონში მან 21 მატჩი ჩაატარა და 19 გოლი გაიტანა.

 

გასულ წელს პიონტეკს პოლონეთის ნაკრებშიც ჰქონდა დებიუტი. მან ჯერ ირლანდიასთან ამხანაგურ მატჩში ითამაშა, შემდეგ ერთა ლიგის ეგიდით გამართულ შეხვედრაში პორტუგალიის წინააღმდეგ იასპარეზა და გოლიც გაიტანა.