გვილია პოლონურ კლუბში

ვაკო გვილია პოლონურ ზაბჟეს გურნიკში ითამაშებს. ამის შესახებ წამყვანი პოლონური და შვეიცარიული საიტები წერენ. მალე გაოფიციალურდება კიდეც.

24 წლის გვილია შვეიცარიულ ლუცერნში გახლდათ, მაგრამ მწვრთნელის ტაქტიკურ სქემაში ვერ ჯდებოდა და ფეხბურთელი, რომელიც წინა სეზონის მეორე ნახევარში გუნდში ერთ–ერთი საუკეთესო იყო, სათადარიგოდ აქციეს. ეს კი გვილიას არ აწყობდა.

 

ზაბჟეს გურნიკი პოლონეთში ბოლოსწინა, მე–15 ადგილზეა. ტრადიციული და პოლონეთში ერთ–ერთი ყველაზე ტიტულოვანი კლუბია: 14–გზის ჩემპიონია, თუმცა ბოლოს 1988 წელს გაჩემპიონდა.  გურნიკს ნათამაშევი აქვს თასების თასის ფინალში, სადაც მანჩესტერ სიტისთან 1:2 წააგო. ეს 1970 წელს.