WHAT?! - ფეხბურთში მსოფლიოს ჩემპიონი ყინულის ჰოკეიში ითამაშებს...

ვინ იფიქრებდა, 2020 წელს, ვინმე ერთი სპორტიდან მეორე სპორტში თამაშით თუ გაგვაოცებდა? თან ბალახიდან - ყინულზე. დიახ, ლუკას პოდოლსკი, მშობლიური ქალაქის, კიოლნის ყინულის ჰოკეის გუნდ "კიოლნერ ჰაის" ერთი თამაშით შეუერთდება, რათა გაკოტრებისგან გადაარჩინოს. მოგეხსენებათ, კორონავირუსის პანდემიის გამო, მაყურებლები თამაშზე ვერ დადიან და გუნდსაც ფინანსები საგრძნობლად შემოაკლდა. როგორც ლუკასს უთხრეს, თუ ის ითამაშებს, 100 000 ვირტუალური ბილეთი გაიყიდება და ეს კლუბს ძალიან წაადგება. 

 

 

საერთოდ, პოდოლსკისთვის სხვა სპორტში ძალების მოსინჯვა უცხო არ არის. როდესაც ფეხბურთს იაპონიაში თამაშობდა, ძალები სუმოშიც გამოსცადა და დოჰიოზე პროფესიონალ სუმოტორებს შეერკინა. როგორც ცნობილია, ის იოკოძუნა ჰაკუჰოს დიდი მეგობარია...