კევინ დიურანტი ჯეიმს ჰარდენთან ერთად ითამაშებს. და, ჯეიმსი არის MVP. ყოფილი, მაგრამ - MVP.

დიურანტს, რაღაც ამბავში - უმართლებს.

კევინს ლიგაში მეცამეტე სეზონი აქვს. კლასიკა.

და, 12 სეზონში დიურანტის თანაგუნდელი ყოფილი ან - მომავალი MVP გახლდათ.

მხოლოდ პირველ სეზონში ვერ გაქაჩეს კევინმა და ბიჭებმა. ყველაზე პრესტიჟული ინდივიდუალური ჯილდო იმ სეზონში არ იყო მისთვის აქტუალური.

დიურანტი თამაშობდა რასელ უესთბრუქთან (MVP - 2016/2017) ერთად. და, ეს საინტერესო კოლაბორაცია იყო.

დიურანტი თამაშობდა სტეფ კარისთან (2015-2016) ერთად. და, ეს ყველაზე შედეგიანი კოლაბორაცია იყო.

დიურანტი ითამაშებს ჰარდენთან ერთად. და, ეს აზრზე არ ვართ, როგორი კოლაბორაცია იქნება. ყველა ვარიანტში - სხვებისთვის სახიფათო კოლაბორაცია.

2016-ში კევინი გადავიდა გოლდენ სტეიტში, რომელსაც ერთი წლით ადრე რეგულარულში 73 მოგება (ყველა დროის რეკორდი) ჰქონდა.

დიურანტს თავისი მუღამები აქვს.