ღამურას მოკლავ და თამაშს მოიგებ? (+video)

საინტერესო და კურიოზული ამბავი ზამბიის უმაღლეს ლიგაში. მასპინძელი ფორესტ რეინჯერსის მწვრთნელმა ჩარლზ ჩილეშმა პრიზონ ლეოპარდსთან თამაშის წინ, კარის ძელებს რაღაც უცხო ნივთიერება შეასხა, თან რიტუალი ჩაატარა და მეტოქის წარმომადგენლები გააბრაზა - შავ მაგიას იყენებსო.

 

 

ისე, ამან ვერ უშველა. მასპინძლებმა 0:2 წააგეს.

 

კიდევ ის მოხდა, რომ კამერუნში მიმდინარე აფრიკის თასზე ზიმბაბვეს ნაკრების მწვრთნელმა ზდრავკო ლოგარუშიჩმა მკვდარ ღამურასთან გადაიღო ფოტო. მწვრთნელმა ეს ფოტო გამოაქვეყნა და დააწერა: „ჯადო კამერუნში“.

 

კამერუნმა 1:0 მოუგო ზიმბაბვეს. ისე, ღამურის მოკვლა აფრიკის ბევრ ქვეყანაში შავი მაგიის ერთ-ერთი რიტუალი ყოფილა და მათი გათვლით, წარმატება მოაქვს. 2017 წელს აფრიკის ახალგაზრდული ჩემპიონატის ფინალში სენეგალელმა იბრაიმ ნდიაიემ ზამბიას გოლი გაუტანა, თან უცებ გეტრიდან ამოაძრო მკვდარი ღამურა და მეტოქეს ესროლა...