ემანუელ ჯინობილი, რომელიც ყველას უყვარს

არგენტინაში ემანუელ ჯინობილი ლეო მესიზე, ხუან მარტინ დელ პოტროზე დიდი იყო. ჯინობილი არგენტინა იყო. და არგენტინა მანუზე დღემდე შეყვარებულია.

მანუმ ეს დაიმსახურა. მანუმ თავი დაუხარა სამშობლოს და არგენტინისთვის ოლიმპიადა მოიგო. 2004. არგენტინამ ოლიმპიადაზე აიღო ორი მედალი. ორი ოქროს მედალი. კალათბურთში და ფეხბურთში. საოცარი მანუს ოლიმპიადა.

მანუ ოთხჯერ გახდა NBA-ს ჩემპიონი. ტიმისთან, ტონისთან და გრეგთან ერთად. საოცარი, მეგობრული გუნდი, სადაც ჯინობილი ენერჯაიზერის როლში შევიდა და ბოლომდე ამ როლში დარჩა.

რუბრიკაში NBA-ს Top 50 მანუ 46-ე ადგილზეა. ყველა დროის 46-ე ადგილზე. ალბათ, კუთვნილი პოზიცია ბევრი ნიუანსის გათვალისწინებით. მანუ გახდა ოლიმპიური ჩემპიონი და იმ ოლიმპიადის საუკეთესო მოთამაშე. ათენში მანუმ ნახევარფინალში დანკანის ამერიკა გადახსნა.

ჯინობილიზე იქ, რუბრიკაში უფრო ვრცლად გავისაუბრებთ და მანამდე, კიდევ ერთხელ მივეფეროთ ჯადოქარს, რომელიც ბევრი წლის განმავლობაში ყველაზე უშიშარი მეომარი და სამაგალითო თანაგუნდელი იყო.

მანუ, გვიყვარხარ.