დუდას 20

სანაძის კარგმა თამაშმა გუნდი მარცხისგან მაინც ვერ იხსნა

დუდა სანაძე პოლონეთის ჩემპიონატში შედეგიან თამაშს აგრძელებს. 26-ე ტურის შეხვდრაში “რადომის” ქართველმა მსროლელმა “დაბროვა გორნიცასთან” მატჩში 20 ქულა მოაგროვა, თუმც მისი გუნდი დამარცხებისგან ვერ იხსნა. მატჩი სტუმართა გამარჯვებით – 76:65  დასრულდა.

 

ქართველი ლეგიონერი თავის გუნდში ბომბარდირი გახდა. დუდამ 11-დან 6 ორქულიანი, 3-დან 1 სამიანი და 10-დან 5 საჯარიმო ჩააგდო. 20 ქულასთან ერთად მან 6 მოხსნა, 3 ჩაჭრა და 2 პასიც მოაგროვა. მისმა სარგებლიანობის ინდექსმა 26 შეადგინა და ამ მხრივ ის თანაგუნდელთაგან მხოლოდ ჯარვის უილიამსს ჩამორჩა, რომელმაც 16 ქულა და 11 მოხსნა მიითვალა. 

 

8 მოგებითა და 18 მარცხით “რადომი” 16-გუნდიან ლიგაში მე-11 ადგილზეა. მომდევნო მატჩს კი 14 აპრილს, შინ “ზელენა გორასთან” გამართავს.




მატჩის შემდეგ კი ვლადიმერ პუტინი საპატიო წრეს ურტყამდა და მაყურებელს ესალმებოდა, რა დროსაც ყინულზე დაგებულ წითელ ხალიჩას ფეხი წამოკრა და თავქვე დაემხო.