ვენაში სამზადისს გაეცნენ

ავსტრიის დედაქალაქში რიგით მე-16 ზაფხულის ახალგაზრდული ოლიმპიური ფესტივალის მასპინძელიც გამოაცხადეს

ვენაში გამართულ ევროპის ოლიმპიური კომიტეტების სემინარის დელეგატებმა მოისმინეს ტოკიო-2020-ის, პეკინის 2022-ის და პარიზი-2024-ის ოლიმპიური თამაშების მზადებასთან დაკავშირებული მოხსენებები. ასევე გაეცნენ მინსკის მეორე ევროპული თამაშების სიახლეებს.
 

ევროპული თამაშების მასპინძელთა განცხადებით, მულტისპორტულ ღონისძებებზე დასასწრებად ბილეთების ნახევარი გაყიდულია - დაახლოებით 190 ყველაზე დიდი მოთხოვნით სარგებლობს კარატე, ტანვარჯიში, პლაჟის ფეხბურთი და მძლეოსნობა.

 

ევროპის მეორე თამაშების ჩატარებასთან დაკავშირებით EOC-ის საკოორდინაციო კომისიის ხელმძღვანელის, სპიროს კაპრალოსის ინფორმაციით, მინსკის თამაშების ტელეტრანსლაციათა უფლება ევროპის 43 ქვეყანას აქვს შეძენილი, ხოლო დამატებით 7 ქვეყანა საშეჯიბრო დღის ყველაზე მნიშვნელოვან ამბებს გადასცემს. ასევე ტელეტრანსლაციათა უფლება იყიდეს არაევროპულმა ქვეყნებმაც, ასეთი კი 83 ქვეყანაა. კაპრალოსის განმარტებით, ამგვარი ინტერესის მიზეზი ტოკიოს 2020 წლის ოლიმპიური თამაშებია, რომლისთვისაც ქვეყნები აქტიურად ემზადებიან. 
ვენის სემინარზე ასევე დამტკიცდა ზაფხულის მე-16 ახალგაზრდული ოლიმპიური ფესტივალის ჩატარების ადგილი - სლოვაკური ბანსკა ბისტრიცა. 




მატჩის შემდეგ კი ვლადიმერ პუტინი საპატიო წრეს ურტყამდა და მაყურებელს ესალმებოდა, რა დროსაც ყინულზე დაგებულ წითელ ხალიჩას ფეხი წამოკრა და თავქვე დაემხო.