კრივი გა-დარჩა

სალიცენზიო ტურნირები სოკ-ის ეგიდით გაიმართება

საერთაშორისო ოლიმპიური კომიტეტის (IOC) აღმასრულებელმა საბჭომ 2020 წლის ოლიმპიური თამაშების პროგრამაში კრივის შენარჩუნების რეკომენდაცია შეიმუშავა. IOC კრივის სამოყვარულო ასოციაციისთვის (AIBA) ორგანიზაციაში წევრობის შეჩერების წინადადებითაც გამოვიდა. 2020 წლის ოლიმპიური თამაშების შესარჩევი ასპარეზობები სოკ-ის ეგიდით ჩატარდება 2020 წლის იანვარ-მაისში, ხოლო მოკრივეთა უახლოესი მსოფლიო ჩემპიონატები დაკარგავენ ოლიმპიური თამაშების საკვალიფიკაციო სტატუსს. აღმასრულებელი საბჭოს გადაწყვეტილებებს, 24-26 ივნისს IOC-ის ლოზანის სესიაზე განიხილავენ.

 

 IOC-ის აღმასრულებელ საბჭოზე ნენად ლალოვიჩის ხელმძღვანელობით შექმნილი სპეციალური საგამოძიებო კომიტეტის მოხსენება მოისმინეს, რასაც მოჰყვა შესაბამისი რეკომენდაციები. 

 

“გადაწყვეტილება სპორტსმენთა და უშუალოდ კრივის ინტერესებიდან გამომდინარე იქნა მიღებული. გვინდა, რომ სპორტსმენებმა საკუთარი ოცნებები აისრულონ და მონაწილეობა მიიღონ 2020 წლის ოლიმპიურ თამაშებში. ასევე გვინდა, რომ AIBA-მ საკუთარი ქმედებებით გამოწვეულ შედეგებზე პასუხი აგოს. ამავდროულად, ჩვენ მათ სანქციებიდან თავის დაღწევის გზებსაც ვთავაზობთ, მაგრამ ამისთვის შემდგომი ძირეული ცვლილებებია გასატარებელი,“ - განაცხადა სოკ-ის პრეზიდენტმა თომას ბახმა.

 

შარშან, ნოემბრის ბოლოს IOC-მა ტოკიო-2020-ის პროგრამაში მოკრივეთა ტურნირის ჩატარებასთან დაკავშირებული გეგმები შეაჩერა. ამგვარი გადაწყვეტილების მიზეზი გახდა AIBA-ს მიმართ დაწყებული გამოძიება. IOC უკმაყოფილო იყო AIBA-ს მმართველობით, მსაჯების მუშაობით, ფინანსური, ანტისადოპინგო თუ ეთიკის საკითხებით.




მატჩის შემდეგ კი ვლადიმერ პუტინი საპატიო წრეს ურტყამდა და მაყურებელს ესალმებოდა, რა დროსაც ყინულზე დაგებულ წითელ ხალიჩას ფეხი წამოკრა და თავქვე დაემხო.