ჰოლანდია ისევ აფრინდა!

წინ ფინალი და მასპინძელია

უეფას ერთა ლიგის A დივიზიონის მეორე ნახევარფინალური შეხვედრა პორტუგალიის ქალაქ გიმარაეშში, ამავე სახელწოდების კლუბის არენაზე გაიმართა. აქ ერთმანეთს პირველი და მეოთხე ჯგუფების გამარჯვებულები, შესაბამისად ჰოლანდია და ინგლისი დაუპირისპირდნენ. მატჩის ძირითადი დრო ფრედ - 1:1 დასრულდა, დამატებით დროში კი ჰოლანდიამ (3:1) იმარჯვა.

პირველი ტაიმი შედარებით თანაბარი გამოვიდა და მასში მცირე უპირატესობა ინგლისელებმა მოიპოვეს. სამმა ლომმა ანგარიში 32-ე წუთზე გახსნა, როცა მარკუს რაშფორდმა საკუთარი მოპოვებული 11-მეტრიანი ზუსტად შეასრულა.

მეორე ნახევარში ჰოლანდია უპირატესობას დაეუფლა და მეტოქეზე გაცილებით ხშირად უტევდა. მათ წონასწორობა 73-ე წუთზე აღადგინეს. მატიას დე ლიხტმა კუთხურიდან ჩაწოდების შემდეგ, თავური დარტყმით მორიგი გოლი გაიტანა - აიაქსის 19 წლის მცველმა პენალტის ეპიზოდში დაშვებული შეცდომაც გამოასწორა.

ინგლისს მატჩის ძირითად დროში მოგების შესაძლებლობა ჰქონდა, მაგრამ ჯესი ლინგარდის 83-ე წუთზე გატანილი გოლი თამაშგარე მდგომარეობის გამო გაუქმდა.

დამატებით დროში, ჰოლანდია კიდევ უფრო მოტივირებული გამოვიდა და 7 წუთში დაწინაურებაც მოახერხა - ვოკერმა ბურთი თავის კარში ჩაჭრა.

საბოლოო წერტილი 114-ე წუთზე, ცვლილებაზე შემოსულმა ქვინსი პრომესმა დასვა, რომელმაც ინგლისურ დაცვაში მორიგი შეცდომით ისარგებლა.

ინგლისმა ვერაფრის შეცვლა მოახერხა ფინალში კი ჰოლანდია გავიდა, რომლის მეტოქეც ტურნირის მასპინძელი პორტუგალია იქნება. 




მატჩის შემდეგ კი ვლადიმერ პუტინი საპატიო წრეს ურტყამდა და მაყურებელს ესალმებოდა, რა დროსაც ყინულზე დაგებულ წითელ ხალიჩას ფეხი წამოკრა და თავქვე დაემხო.