სარიმ ფაბრეგასს მწვანე შუქი აუნთო

ახალი წლიდან ახალ გუნდში. ფაბრეგასი ჩელსის ტოვებს

არაერთხელ დაიწერა, რომ მილანის ერთ-ერთი მთავარი სატრანსფერო სამიზნე სესკ ფაბრეგასია. The Sun-ის ინფორმაციით, მაურისიო სარი თანახმაა ესპანელს შეელიოს. 32 წლის ნახევარმცველი იანვრიდან მილანს შეუერთდება, როსონერი მასში 10 მილიონ ფუნტს გადაიხდის.

 

ფაბრეგასი ჩელსიში 2014 წლის ზაფხულიდან გამოდის. ამ დრომდე მან არისტოკრატთა რიგებში ინგლისის ლიგის თასი და ორჯერ პრემიერლიგა მოიგო. მიმდინარე სეზონში მე-4 ნომერს თამაში თითქმის არ უწევს. პრემიერლიგაში მან მოედანზე სულ 48 წუთი დაჰყო.

 

რაც შეეხება მილანის სატრანსფერო გეგმებს, გატუზოს გუნდს აარონ რემზის, ერიკ ბაილისა და ზლატან იბრაჰიმოვიჩის დამატებაც სურს.