ის ბრუნდება, რათა წავიდეს

ლამარ ოდომი პარკეტს უბრუნდება.

ნაციონალური საკალათბურთო ასოციაციის ორგზის ჩემპიონი, ახლო წარსულში, ნბა-ს ყოფილი ვარსკლვალი ლამარ ოდომი პარკეტს უბრუნდება.

ოდომი, ლონ-ანჯელეს ლეიკერსის რიგებში ბრწყინავდა და ნბა-ს ოქროს ბეჭედიც ორჯერ დაისაკუთრა, შემდეგ კი ნარკოტიკებს მიეძალა. ის, ორ წელიწადზე მეტია ნარკოტიკებზე დამოკიდებულებისგან თავის დაღწევას ცდილობს და ამბობს, რომ კალათბურთს 2019 წელს დაუბრუნდება, რათა შემდეგ კარიერა ღირსეულად დაასრულოს.

ლამარ ოდომი, ნარკოტიკული ნივთიერებების თრობის ქვეშ, უგონო მდგომარეობაში 2015 წელს, ქალაქ ნევადაში საერთო საცხოვრებელში იპოვნეს და სასწრაფოდ ლას-ვეგასის საავადმყოფოში გადაიყვანეს. რამდენიმე სააგენტომ მისი გარდაცვალების შესახებაც გაავრცელეს ინფორმაცია.

ლამარ ოდომი ჩინეთში თამაშს გეგმავს.  „გულმოდგინედ ვვარჯიშობ. ძალზედ მოწადინებული ვარ, რათა კარგ სპორტულ ფორმაში შევიდე. ჩემმა გულშემატკივრებმა დაიმსახურეს, რომ პარკეტზე კვლავ გამოვჩნდე და კარიერა ასე დავასრულო“ - აღნიშნა ლამარმა.