მესი-რონალდუზე სწრაფი

20 წლის მბაპეს მე-100

ევროპის ვიცე-ჩემპიონი ევრო 2020-ს შესარჩევ ეტაპზე გამოდის. საფრანგეთის ნაკრებმა მეოთხე ტურში ანდორა სტუმრად - 4:0 გაანადგურა. 


შეხვედრაში ანგარიში მე-11 წუთზე კილიან მბაპემ გახსნა. 20 წლის ტალანტმა ანტუან გრიზმანის პასის შემდეგ მცველები დაჩაგრა და მეკარეს ბურთი თავზე გადაუგდო. 


ეს პსჟ-ს თავდამსხმელისთვის ეროვნულ გუნდში მე-13, ხოლო კარიერაში გატანილი მე-100 გოლი იყო. 
პროფესიონალურ კარიერაში მბაპეს 180 მატჩი და 3 საკლუბო სეზონი აქვს ჩატარებული. საკლუბო დონეზე, კილიანის ანგარიშზე 87 გოლია, აქედან 27 ბურთი მან მონაკოს, ხოლო 60 პარი სენ-ჟერმენის მაისურით შეაგდო. 


ამ ამბავში ყველაზე მნიშვნელოვანი კი ის არის, რომ მსოფლიო ფეხბურთის ამომავალმა ვარსკვლავმა ასგოლიან მაჩვენებელს უფრო პატარა ასაკში უწია, ვიდრე ოქროს ბურთის ხუთ-ხუთჯერ მომგებმა ფეხბურთელებმა, ლეო მესიმ და კრიშტიანუ რონალდუმ. 


მბაპემ მე-100 გოლი 20 წლის და 173 დღის ასაკში გაიტანა. არგენტინელმა ეს 22 წლის და 356 დღისამ, ხოლო პორტუგალიელმა 22 წლის და 97 დღის ასაკში შეძლო. 


შეგახსნებთ, მბაპე 33 გოლით ლიგა 1-ის დასრულებული სეზონის საუკეთესო ბომბარდირი გახდა და "ოქროს ბუცის" დავაში მეორე ადგილი დაიკავა. 

 




მატჩის შემდეგ კი ვლადიმერ პუტინი საპატიო წრეს ურტყამდა და მაყურებელს ესალმებოდა, რა დროსაც ყინულზე დაგებულ წითელ ხალიჩას ფეხი წამოკრა და თავქვე დაემხო.