ამჯერად კრივი - საქართველომ 22-ე მედალი გაინაღდა

სახილ ალახვერდოვი ნახევარფინალშია

ევროპულ თამაშებზე საქართველოს დელეგაციამ კიდევ ერთი მედალი გაინაღდა - 22-ე. მინსკში მიმდინარე რიგით მეორე თამაშებზე საქართველომ მედალი უკვე მეხუთე სახეობიდან მოიპოვა. ძიუდოს, სამბოს, ტანვარჯიშისა და ტყვიის სროლის შემდეგ, წარმატებას მოკრივეებმაც მიაღწიეს.

საქართველოს სახელით მოასპარეზე სახილ ალახვერდოვმა -49 კგ წონით კატეგორიაში გერმანელ და ბრიტანელ მეტოქეებს ანალოგიური ანგარშით - 3:2 მოუგო და ნახევარფინალში გავიდა, სადაც იტალიელ ფედერიკო ემილია სერას დაუპირისპირდება.

ამრიგად, საქართველოს დელეგაციას 22-ე მედალი გარანტირებული აქვს, სინჯი კი 28 ივნისს გასამართ ფინალურ ბლოკში გაირკვევა.