კრივში 2 მედალი გარანტირებულია

ერანოსიანი ნახევარფინალშია

ბელარუსიის დედაქალაქში მიმდინარე ევროპულ თამაშებზე, საქართველოს კრივის ნაკრებმა მეორე მედალი გაინაღდა.

სახილ ალახვერდოვის შემდეგ, ნახევარფინალში ჩხუბის უფლება ოთარ ერანოსიანმაც მოიპოვა, რომელმაც 60 კგ-მდე წონითი კატეგორიის 1/4-ფინალში აზერბაიჯენალი ჯავიდ ჩალაბიევი 3:2 დაამარცხა.

შეგახსენებთ კრივში საუკეთესო ოთხეულში მოხვედრა ავტომატურად მინიმუმ ბრინჯაოს მედალს ნიშნავს.

ერანოსიანის მეტოქე ნახევარფინალში რუსეთის სახელით გამომსვლელი გაბილ მამედოვი იქნება. ორთაბრძოლა 28 ივნისს გაიმართება, რაც შეეხება ალახვერდოვს, იგი ნახევარფინალს დღეს იჩხუბებს.