მანოლასმა სუარესს 3:0 გაახსენა (+VIDEO)

ბარსელონამ ამხანაგურ მატჩში 4:0 მოუგო ნაპოლის, მაგრამ ნეაპოლელთა ბერძენმა მცველმა კოსტას მანოლასმა წარსული გაიხსენა.

პირველ ტაიმში მანოლასი და ლუის სუარესი ცოტა წაკინკლავდნენ. ბერძენმა კი სამი თითით გაახსენა შარშანდელი რომა–ბარსელონას შედეგი: 3:0. ჩემპიონთა ლიგის მეოთხედფინალი, როცა გადამწყვეტი, გამსვლელი გოლი სწორედ მანოლასმა შეაგდო თავურით.  რომაელებს კატალონიაში 1:4 ჰქონდათ წაგებული და სასწაულად მოატრიალეს.  

 

ამჯერად სუარესმა დუბლი შეასრულა.