გურამ პაპიძის ლელო და სხვა ქართველები

19:22 / 26 სექ 2021
გურამ პაპიძის ლელო და სხვა ქართველები

საფრანგეთის სარაგბო ჩემპიონატის ელიტურ, პირველ დივიზიონში მეოთხე ტურის მატჩები გაიმართა. გურამ პაპიძის ლა როშელმა შინ მიიღი თორნიკე ჯალაღონიას, გიორგი ნუცუბიძისა და უშანგი ჭეიშვილის ბიარიცი და დიდი ანგარიშით 57:19 სძლია. პაპიძემ 63-ე წუთზე ლელო გაიტანა. მატჩში ყველა ქართველმა იასპარეზა.

ბექა გორგაძის პომ შინ დაამარცხა გელა აფრასიძისა და მიხეილ ნარიაშვილის მონპელიე 23:22. გორგაძემ სრულად ითამაშა და მატჩის საუკეთესო მორაგბედ დაასახელეს.ნარიაშვილი თამაშში 71-ე წუთიდან ჩაერთო.

დავით ნინიაშვილისა და ბექა საღინაძის ლიონი სტუმრად დამარცხდა გურამ გოგიჩაშვილისა და გია ხარაიშვილის რასინგთან – 20:24. ნინიაშვილი თამაშში 41-ე წუთიდან ჩაერთო და გუნდში ერთ-ერთი საუკეთესო იყო. გოგიჩაშვილი 45-ე წუთზე შეცვალეს.