ნიკოლოზ ბასილაშვილმა ოლიმპიადა გამარჯვებით გახსნა

ნიკოლოზ ბასილაშვილმა ოლიმპიადა გამარჯვებით გახსნა
ნიკოლოზ ბასილაშვილი
ტოკიოს ოლიმპიადა
ტოკიო 2020

ტოკიოში სტარტი აიღო ოლიმპიურმა თამაშებმა, რომელზეც წარმატებით ასპარეზობს ნიკოლოზ ბასილაშვილი.

ქართველმა ჩოგბურთელმა ტურნირის პირველ წრეში 6:3 6:2 მოუგო რობერტო კარბალეს ბაენას (N 90) და მომდევნო ეტაპის საგზური მოიპოვა.

შეხვედრის სტარტი ნიკას ბრწყინვალე გამოუვიდა – საწყისი 6 გეიმიდან 5 მოიგო და სოლიდური სხვაობით დაწინაურდა 5:1. ესპანელი გვიან გამოფხიზლდა, ერთი უკუბრეიკის შესრულება შეძლო და 3:5-მდე შეამცირა ჩამორჩენა, თუმცა ბასილაშვილმა სეტი მაინც თავის სასარგებლოდ დაასრულა 6:3.

null

მეორე პარტიის სტარტზე საქართველოს პირველმა ჩოგანმა პირველსავე გეიმში იოლად აიღო მეტოქის ჩაწოდება და მალევე 2 გეიმიანი უპირატესობა მოიპოვა 2:0. ნიკოლოზი იოლად ინარჩუნებდა მოპოვებულ ჰანდიკაპს, მე-7 გეიმში „ბასილამ“ მორიგი ბრეიკი შეასრულა (5:2), მომდევნო გეიმში კი მატჩი საკუთარი გამარჯვებით დახურა 6:3 6:2.

null

შეხვედრა 1 საათსა და 13 წუთს გაგრძელდა. ამ დროის განმავლობაში ნიკას ანგარიშზე 4 ეისი და 2 ორმაგი შეცდომა იყო, ესპანელმა თავისმხრივ 2 ესისი წილ 4 ორმაგი დაუშვა. ბასილაშვილმა 2 სეტში, ჯამში 14 ბრეიკპოინტი გამოიმუშავა, საიდან 4-ის რეალიზება შეძლო, რობერტოს 1 ბრეიკპოინტი ქონდა და ეს შანსი ბრეიკად აქცია.

ნიკამ მატჩის მიმდინარეობისას 24 ვინერსი შეასრულა და 16 უნებლიე შეცდომა დაუშვა, კარბალეს ბაენას 5 ვინერსი და 17 უხეში შეცდომა ქონდა.

ტურნირის 1/16 ფინალში ქართველი ჩოგბურთელი იაპონელ ტარო დანიელს და იტალიელ ლორენცო სონეგოს შორის გამარჯვებულს შეხვდება.