მადრიდის რეალის ყოფილმა ფორვარდმა მაიკლ ოუენმა ჩემპიონთა...

ლიგა რეალს ან ბაიერნს

ზაალ

 1:0 - დორტმუნდმა პსჟ-ს მოუგო

გიორგი

გიორგი მამარდაშვილი რომ გრანდების სასურველი ფეხბურთელების სიაშია, ამაში გასაკვირი არაფერია. 

მამარდაშვილი - ახალი კლუბი გააქტიურდა...

ილია

საქართველოს ნაკრების მესამეხაზელმა ილია სპანდერაშვილმა ხელშეკრულება საფრანგეთის სარაგბო ჩემპიონატის ელიტურ, მეორე დივიზიონში მოასპარეზე ვალანსთან გააფორმა. 

ილია სპანდერაშვილი კარიერას ვალანსში განაგრძობს

გიგო

ნადალი ესპანურ პუბლიკას დაემშვიდობა

 ნადალის უკანასკნელი მატჩი მადრიდის მასტერსზე

ლეიკერსის ხელმძღვანელებმა გადაწყვეტილება უკვე მიიღეს

ლეიკერსს დრაფტზე ლებრონ ჯეიმსის ვაჟის არჩევა სურს

როგორ ვხედავ მომავალს?  როგორც  სპორტული დირექტორი..?

  ბუფონი თავის მომავალზე

ბრიტანულ ტურნეზე მყოფი შავი ლომის სამწვრთნელო შტაბმა, 3 მაისს ინგლისურ გრანდთან, ლესტერ ტაიგერზთან გასამართი ამხანაგური მატჩისთვის 23-კაციანი შემადგენლობა დაასახელა.

 ლესტერთან შავი ლომის საბრძოლო რაზმი ცნობილია 

Image

416472358_1047046899922778_7272680613310556035_n.png

Container

Text

xabi-alonso-pep-guardiola.jpg

ჩაბი ალონსოს არც მანამდე აკლდა ძლიერ მწვრთნელებთან მუშაობა, მაგრამ ბოლო წლებში მიუნხენის ბაიერნში კიდევ უფრო ბევრი ისწავლა: პეპ გვარდიოლასთან. 

"არაფერია დასამალი, რომ ბოლო წლებში ბაიერნში სწორედ გვარდიოლას ფაქტორის გამო გადავედი. მისგან მინდოდა სამწვრთნელო საიდუმლოებები მესწავლა. უკვე 32 წლის ვიყავი. დრო იყო. ყოველთვის ვცდილობდი, მწვრთნელებთან ახლოს ვყოფილიყავი, მაგრამ ვიცოდი, რომ უაზროდ დაკოპირება არ შეიძლებოდა. დღესაც ვურეკავ ჩემს ყოფილ მწვრთნელებს და რჩევებს ვეკითხები. 18 წლის ვიყავი, როცა გამიმართლა და სოსიედადში ჯონ ტოშაკთან მოვხვდი. მყავდა რაფა ბენიტესი, ჟოზე მოურინიუ, კარლო ანჩელოტი, პეპ გვარდიოლა, ვისენტე დელ ბოსკე...", - თქვა ალონსომ.  

და ტოშაკს აქვს ნათქვამი ასეთი რამ - ამხელა სამწვრთნელო კარიერა მქონდა, მაგრამ არსად მინახავს ერთ ფეხბურთელს ისეთი გავლენა ჰქონდეს გუნდის თამაშზე, როგორც ჩაბი ალონსოს სოსიედადშიო. 

ჩაბი და მიკელ არტეტა: ეს ცალკე ისტორიაა, ისინი ერთად მოდიოდნენ ასაკობრივი გუნდებიდან, დღევანდელი საზომით ორივენი ტოპ-დონეზე არიან. არტეტამ აღნიშნა, რომ ჩაბი ალონსო 13-14 წლის ასაკშიც პროფესორივით თამაშობდა, საოცარ დეტალებს აქცევდა ყურადღებას. არტეტამ თქვა, ვიცოდი, რომ მწვრთნელი გახდებოდაო. ანუ, ეს იყო მწვრთნელი სკოლის მერხიდან. 

1689984-35798179-2560-1440.jpg

ალონსოზე განსაკუთრებული სიტყვები ეკუთვნის ლივერპულის ლეგენდა სტივენ ჯერარდს. მათ ერთად მოიგეს ჩემპიონთა ლიგა, ორივემ გაიტანა გოლი სტამბოლურ დაუვიწყარ ფინალში (მილანთან 3:3). 

"როცა ალონსო ლივერპულში მოვიდა, პირველივე ვარჯიშისის მერე მივხვდი, რომ შუა ხაზის  მეფეა. უჭკვიანესი. ალონსო ჩემთვის ულაპარაკოდ პირველ ადგილზეა იმ ნახევარმცველებს შორის, რომლებთან ერთადაც მითამაშია. და თუ როდესმე ლივერპულის მწვრთნელად დამნიშნავენ, უკვე ვიცი, ვის მივიყვან ასისტენტად...“ - ჯერარდის ბოლო წინადადება მაგარია, არა? დღეს როგორ წარმოგიდგენიათ ალონსო-ასისტენტი?

და ჩაბიმაც მწვრთნელობა დაიწყო რეალის აკადემიაში, 14-წლამდელებში. მერე სოსიედადის ახალგაზრდულში გადავიდა. ეს ძალიან მაგარი პროცესია, ბავშვებთან და მოზარდებთან გავლა... ეს იმიტომ, რომ კარგი მწვრთნელობისთვის აუცილებელია, ჯერ შენში ჩაკლა კარგი ფეხბურთელი. „ის დრო მორჩა, აღარ თამაშობ. მშვიდობით!". მაგალითად, დენის ბერხკამპმა თქვა, აიაქსში მწვრთნელობა ვცადე, მაგრამ ისევ ფეხბურთელად ვგრძნობდი თავს და ეს ხელს მიშლიდაო.  

xabi-alonso-bayer-leverkusen-tactics-1.jpg

ჩაბი ალონსო 2022 წლის ოქტომბერში დანიშნეს ლევერკუზენის მწვრთნელად. რისკი იყო, აბა რა -  პროფესიონალებში გამოუცდელი კაცი მიიყვანეს. ლევერკუზენი ბუნდესლიგაში გასავარდნ ზონაში იყო, მაგრამ ესპანელმა სპეციალისტმა რომ დაიწყო ექსპრესივით, აღარ გაჩერდა: გუნდი მეექვსე ადგილზე გაიყვანა და ევროპა ლიგის ნახევარფინალიც ათამაშა, სადაც რომასთან არ გაუმართლა. 

და ამ სეზონში რაც ხდება, იცით: ჩაბის ლევერკუზენი ბუნდესლიგას ლიდერობს, 18 ტურში 15 მოგება და 3 ფრე აქვს, ხოლო წაგება... ნურას უკაცრავად. ნული. ლევერკუზენი რამდენჯერმე იყო ახლოს გერმანიის ჩემპიონობასთან, ეს კრისტოფ დაუმისა და კლაუს ტოპმიოლერის მწვრთნელობისას. თუმცა ბოლოს რაღაც აკლდებოდა. ახლა ვნახოთ.

როგორია ჩაბის ლევერკუზენი? უპირველესად, მაღალი სათამაშო დისციპლინა, ბურთის გაფრთხილება, მინიმუმამდე დაყვანილი პასების უზუსტობა. სქემა 3-4-2-1 , რასაც იდეალურად არიან მორგებულები და ალონსო ორ თავდამსხმელზე გადადის მაშინ, როცა აუტსაიდერს შინ ეთამაშებიან, ან აგებენ. 

მეკარე ჰრადეცკი, მის წინ სამეული: ინკაპიე-ტა-ტაპსობა... სამივეს მაგარი პროგრესი აქვს ესპანელის ხელში. 

ფლანგზე არიან ფრიმპონგი და გრიმალდო. აი, მარცხენაფლანგელი გრიმალდო ბევრის აზრით, ამ მომენტში ერთ-ერთი საუკეთესოა თავის პოზიციაზე. რა დარტყმა, რა პასები. საყრდენ ნახევარმცველებად კი პალასიოსი და ჯაკა თამაშობენ. 

შეტევის სამეული მეტწილად ასე გამოიყურება: მარჯვნიდან ჰოფმანი, მარცხნიდან გერმანული ფეხბურთის მარგალიტი ვირცი, ცენტრფორვარდი კი ნიგერიელი ბონიფასი. აი, ნიგერიელმა ტრავმა მიიღო და მის ნაცვლად ჩეხი შიკი თამაშობს, რომელმაც ასევე ტრავმების გამო დაკარგა თავის დროზე ძირითადში ადგილი. 

სხვა კარგი ფეხბურთელებიც ჰყავს ალონსოს, მაგრამ ძირითადი დატვირთვა მათზე მოდის. 

დავაკვირდეთ: ლევერკუზენი ძლიერია არა მხოლოდ სათამაშო კომპონენტებში, არამედ ფსიქოლოგიურადაც. უყურეთ, ბოლო ტურში რა თამაში შემოატრიალეს ლაიპციგთან? პირწმინდად წაგებული პირველი ტაიმის მერე, როცა ეს არც იკითხებოდა და ბევრს უკვე განწირული ეგონა ფარმაცევტები. 

ეს ჩაბი ალონსოა. ასეთი დაწყება პირველივე წელს?.. მაგრამ ის ხომ ფაქტობრივად სკოლის მერხიდან მწვრთნელი ყოფილა.    

Wrapper

მწვრთნელობა აბლაბუდასავითაა. ფეხბურთელობის პერიოდში ვერ გაიგებ, ვინ როგორი დონის, ან რა სტილის სპეციალისტი დადგება. თუმცა არიან გამონაკლისები... ძალიან იშვიათი გამონაკლისები. 