ექვსი ერის 18-წლამდელთა ფესტივალი საქართველოში?

18:11 / 23 ნოე 2022
ექვსი ერის 18-წლამდელთა ფესტივალი საქართველოში?

უელსთან საქართველოს ისტორიული გამარჯვების კვალად საქართველოს რაგბის კავშირის პრეზიდენტი, სოსო ტყემალაძე და მისი მრჩეველი, ნიკა ალავიძე მაღალი დონის შეხვედრებზე ინგლისში მიიწვიეს. მსოფლიო რაგბის პრეზიდენტმა, ბილ ბომონტმა, ინგლისი რაგბის პრეზიდენტმა, ბილ სვინმა, ასევე 6 ერის ტურნირის მფლობელებმა, ბენ მორელმა და ჯული პეტერსონმა. მათ ერთხმად აღნიშნეს, რომ ბოლო ორ წელიწადში ქართული რაგბი საგრძობ პროგრესს განიცდის და არნახულ შედეგებს აჩვენებს. შესაბამისად, ის განსაკურთებულ ყურადღებას და მოპყრობას იმსახურებს.

Возможно, это изображение 2 человека, люди стоят и в помещении

ბილ ბომონტთან შეხვედრისას გაგრძელდა თბილისში მისი ვიზიტისას დაწყებული საუბარი საქართველოსთვის დაფინანსების გაზრდაზე. ბომონტმა თქვა, უელსთან საქართველოს გამარჯვებით ახალი ფურცელი დაიწერა არამხოლოდ ქართული არამედ მსოფლიო რაგბის ისტორიაშიც, რაც მისი აზრით საქართველოს რაგბის კავშირის ბოლოდროინდელი სწორი და ეფექტური მუშაობის შედეგია.

ექვსი ერის ტურნირის მესვეურებმა ინიციატივა წამოაყენეს, რომ ექვსი ერის 18-წლამდელთა ფესტივალი საქართველოში ჩატარდეს, ცხადია, ქართველი ჭაბუკების მონაწილეობით, ხოლო დიდი ექვის ერის ტურნირის საოპერაციო ნაწილში მარკეტინგისა და სატელევიზიო ტრანსლირების ქართველი მენეჯერები ჩაერთონ სათანადო გამოცდილების მისაღებად. საქართველოს რაგბის კავშირის პრეზიდენტმა განაცხადა, რომ საქართველო შეძლებს უელსთან გამარჯვების სხვა მატჩებითაც განმტკიცებას და ასევე კომერციალიზაციის კუთხითაც სათანადო განვითარების დემონსტრირებას. ბენ მორელმა და ჯული პეტერსონმა მაღალი შეფასება მისცეს ქართველ მორაგბეთა თამაშს როგორც უელსის ასევე იტალიის ნაკრებებთან შეხვედრისას და მზადყოფნა გამოთქვეს დაეხმარონ ქართულ რაგბს შემდგომ განვითარებაში.

Возможно, это изображение 1 человек, стоит и в помещении

ინგლისის რაგბის პრეზიდენტმა, ბილ სვინმა განაცხადა, რომ მონარქიული ტრადიციების მქონე ინგლისსა და საქართველოს შორის მეტი თანამშრომლობაა საჭირო. გადაწყდა რომ ორი ქვეყნის სარაგბო ადმინისტრაციები მოკლე დროში ოფიციალურ ვიზიტებს გაცვლიან, ხოლო ინგლისის ბაზარი ქართველო მორაგბეებისთვის ფართოდ გაიხსნება, უფრო მეტადაც ვიდრე ამჟამად ფრანგული სარაგბო ბაზარია მათთვის ღია. საქართველოს რაგბის კავშირის პრეზიდენტის, სოსო ტყემალაძის თქმით, ინგლისისა და უელსის სარაგბო ადმინისტრაციებს უდიდესი გავლენა აქვთ როგორც მსოფლიო რაგბის, ასევე  ექვსი ერის გადაწყვეტილებებზე, შესაბამისად, მათგან შეთავაზებული თანამშრომლობა სტრატეგიულად ძალიან მნიშვნელოვანია საქართველოსთვის.