“თავი მაღლა ასწიე ელ კუკუი!” – ფერგიუსონს UFC-ს მებრძოლები ამხნევებენ

00:33 / 10 მაი 2022
“თავი მაღლა ასწიე ელ კუკუი!” – ფერგიუსონს UFC-ს მებრძოლები ამხნევებენ

UFC-ს ლეგენდარულმა ვეტერანმა მებრძოლმა, ტონი ფერგიუსონმა, განვლილ UFC 274-ზე მძიმე მარცხი განიცადა. ელ კუკუისთვის ეს ზედიზედ მეოთხე მარცხი გახლდათ. ბრძოლის პირველი რაუნდი გარდამავალი უპირატესობით მიმდინარეობდა, ხოლო მეორე რაუნდის დასაწყისში ჩენდლერის ფრონტქიქმა ტონი ოქტაგონს უგონოდ დაანარცხა.

4 წაგებამდე ტონის ზედიზედ 12 გამარჯვება ჰქონდა, რაც ამ ცუდ სერიას კიდევ უფრო რთულად გადასატანს ხდის მებრძოლისთვის. თამამად შეიძლება ითქვას, რომ ფერგიუსონი UFC-ს გულშემატკივრების უსაყვარლესი მებრძოლია. ტონის მიმართ სიმპატიას არც თავად მებრძოლები მალავენ. მის მარცხს UFC-ს ვარსკლავები გამოეხმაურნენ:

“თავი მაღლა ასწიე, შენ უკვე ამ სპორტის ლეგენდა ხარ!” – ხამზატ ჩიმაევი

“ვისაც ტონი ფერგიუსონი არ უყვარს, ის MMA-ს გულშემატკივარი არაა. ამაყი ვარ რომ შენს წინააღმდეგ ვიბრძოლე ჩემპიონო!” – მაიკლ ჩენდლერი

“წარმატებები და წარუმატებლობები ამ სპორტის ნაწილია. მე შენით აღტაცებული ვარ ტონი. შენ დიდი ისტორია გაქვს. თავი ასწიე ელ კუკუი! თუ სურვილი გექნება, შეგიძლია შემდეგი ბრძოლისთვის ერთად მოვემზადოთ, სან-პაულოში.” – ჩარლზ ოლივეირა