ლორენცო ბრაუნი – ევროლიგის მე-11 ტურის MVP

ლორენცო ბრაუნი – ევროლიგის მე-11 ტურის MVP

ყაზანის “უნიქსის” ამერიკელი გამთამაშებელი – ლორენცო ბრაუნი ევროლიგის მე-11 ტურის საუკეთესო მოთამაშედ დასახელდა.

რუსულმა კლუბმა 85:71 დაამარცხა ბერლინის “ალბა” და სეზონში მე-6 გამარჯვება მოიპოვა, ლორენცოს ანგარიშზე კი 21 ქულა (თამაშიდან 15 ესროლა და 9 ჩააგდო), 9 პასი, 5 მოხსნა და 2 ჩაჭრა იყო. ბრაუნის მარგიქმედების კოეფიციენტმა +31 შეადგინა, რაც საუკეთესო შედეგი იყო მე-11 ტურში.

“უნიქსის” ისტორიაში ლორენცო ბრაუნი მეხუთე კალათბურთელი გახდა, რომელმაც შეძლო მოეგო ევროლიგის ტურის MVP-ს ტიტული.

ტოპ 5 მარგიქმედების კოეფიციენტი მე-11 ტურში

1. ლორენცო ბრაუნი +31

2. კოსტას სლუკასი +29

3. მარიო ჰეზონია +28

4. ნიკოლა ლაპროვიტოლა +28

5. მუსტაფა ფოლი +27

ტურში ყველაზე მეტი ქულა “ბარსას” არგენტინელმა გამთამაშებელმა – ნიკოლა ლაპროვიტოლამ დააგროვა – 25, ყველაზე მეტი მოხსნა კრის კუმაჯეს ქონდა – 12, ხოლო მთავარი მეპასე – “ჟალგირისის” პლეიმეიკერი – მანტას კალნიეტისი გახდა 11 შედეგიანი გადაცემით.